Euro zbret poshtë 100 lekëve, eksperti i njohur ‘zbërthen’ shkaqet e zhvlerësimit të monedhës europiane

Eksperti i ekonomisë Pano Soko ka deklaruar se arsyeja kryesore pse euro ka zbritur nën 100 lekë janë flukset e panjohura të parave që hyjnë në një moment të caktuar dhe shkatërrojnë rregullat e ekonomisë së tregut.

Sipas Sokos, edh flukset turistike janë një faktor, por jo kaq i rëndësishëm sesa flukset e lartpërmendura.

“Flukset hyrëse janë të mëdha, burimet do duhet të gjenden. Turizmit, sasitë e shtuara të turistëve janë një fakt. Por lëvizjet kaq të mëdha që ndodhin në cikle joperiodike tregojnë që nuk është vetëm turizmi. Se turizmi është periodik.

Lexo edhe:

Euro dhe dollari ulen sërish, me sa shiten e blihen monedhat e tjera

Telashe për “One”! Aksionet e 4iG në pikiatë, frikë për sekuestrimin e kompanive të lidhura me Orban

Si u rrëmbye Florian Sula nga dy djemtë e Gazment Neza pronarit të UBA Bank! Lidhja me Kadri Morinaj

Bordi i Transparencës ul çmimin e naftës, ja sa do të shitet benzina

Edhe efektet që do të japë tek kursi i këmbimit fluksi i turistëve do duhet të ishin të shtrira në kohë, e pres që euro të shkojë edhe 95 lekë në verë . Nëse kapin 2 milionë vizitorë në muaj, me këto presione që bëhen nga krahët e tjera, kjo do i japë goditjen e fundit.

Nëse do ndodhte për shkak të kësaj, e pres të ndodh në korrik, do ta kishim gradualisht, ne e kapim sot në një ditë të hënë, post festa e bajramit, një pjesë e administratës ka qenë pushim. Ajo që ka ndodhur sistematikisht 10 viteve të fundit. Flukse të panjohura, të paidentifikuara parash hyjnë në një moment të caktuar dhe thyejnë rregullat e ekonomisë së tregut. Nuk ka logjikë kjo që ndodh. Ka vetëm një arsye, njerëz të caktuar kanë sjellë para dhe i kanë sjellë në treg të hënën.

Kjo është historia e Shqipërisë e 10 viteve të fundit, ka filluar në 2016 se filloi të vihej në punë plani që zëvendëskryeministri gjoja me kamera të fshehtë e tregoi, ‘shisni drogë çuna dhe futini në ekonomi, pa e vrarë mendjen se çfarë ndodh. Ajo euro aty shuan 10 mijë vende punë në ditë”, tha ai në studion e emisionit “MCN Economy”.

Sipas Sokos, Banka e Shqipërisë nuk e rregullon dot këtë deformim tregu.

“Ka vetëm një instrument, të blejë euro nga treg, të hedhë lekë në treg. Banka e Shqipërisë bazuar në ligj nuk mund të dalë pafundësisht në treg. Përmban shifra që Bankës së Shqipërisë i tundin themelet. Nëse do të korrektosh 2.2 miliardë euro nuk ka Banka e Shqipërisë nuk e rregullojnë dot një deformim tregu. Kjo para nuk po futet si pasojë e ekuacioneve të drejta matematikore që në fund do barazohen. Është para shtesë që po vjen pasi është barazuar ekuacione”, deklaroi Soko.