Prej disa kohësh po përflitet se dy reperët e njohur, Noizy dhe Stresi, kanë përmirësuar raportin me njëri-tjetrin. Dyshimet lindën kur Stresi në një video live në “Instagram” foli pak edhe për kolegun e tij.
Ndërsa së fundmi, ai ka dhënë një intervistë për “Prive”, ku ka sqaruar më shumë rreth marrëdhënies së tyre. Stresi ka treguar detajet e pajtimit dhe se i kanë dhënë fund armiqësisë së tyre shumëvjeçare.
“E vërtetë që është një ndër sherret më të mëdha që ka pasur historia shqiptare, kanë ndodhur shumë gjëra, ka pasur edhe shumë raste që nuk janë lajmëruar në polici dhe tanimë jemi në një moshë të madhe, njerëzit kanë dashur gjithqysh të na shohin keq”, tha ai.
Lexo edhe:
Më pas Stresi shtoi se realisht nuk e ka armik. “I kemi mbyllur gjërat, secili në punë të vet secili ka suksesin e vet. Ky është lajm shumë i keq për të gjithë reperët sepse kanë pasur dëshirë të na shohin ndryshe, por jo nuk jemi ashtu siç mendoni ju”, ka thënë Stresi.
