Një story i moderatores Arbana Osmani ditën e sotme ngriti dyshime të shumta.
Bëhet fjalë për një repostim që Arbana i ka bërë një deklarate të Balina Bodinaku, lidhur me debatin e ashpër që pati ajo me Fifin të martën e shkuar.
Por, nuk ka shumë rëndësi ajo çfarë tha Balina në një emision ku ishte e ftuar, por ajo çfarë shkruan Arbana në story e saj: Get well soon(Shërohu sa më shpejtë).
Çfarë mund t’i kishte ndodhur vallë Balinës që Arbana i uron shërim sa më të shpejtë?
Vip-magazine.al u interesua dhe burime të sigurta i thanë redaksisë sonë së Balina Bodinaku është konfirmuar me COVID-19.
Ajo çfarë nuk dihet ende është nëse Balina ka qenë e infektuar që në puntatën e së premtes në Big Brother Vip. Pasi nëse Balina ka qenë e infektuar që ditën e premte, të rrezikuar nga një infektim i mundshëm janë Arbana, Fifi, Arbëri apo ish-konkurrentë të Big Brother Vip që ishin të pranishëm në emisionin e së premtes.
Po ashtu, të rrezikuar janë edhe punonjësit që merren me organizimin e emisionit, me të cilët Balina mund të ketë pasur kontakte.
Por, Balina u shfaq në fakt edhe të shtunën në një nga emisionet e Top Channel, “Goca dhe Gra”, çka edhe këtu mund të ketë pasur mundësi që ajo të ketë infektuar ndonjërin. Kjo situatë mund të sjellë që Balina Bodinaku të mungojë në emisionin e së martës.
Por, më shumë sesa mungesa në një nga punatat e Big Brother Vip, ka rëndësi shëndeti i saj, dhe stafi i Vip-Magazine.al i uron shërim të shpejtë.
/Vip-magazine.al/
