Autoritetet greke dyshojnë se autorë të përdhunimit të shtetases shqiptare në një ndërtesë në qytetin e Athinës janë disa.
Duke cituar burime nga policia, mediat greke thonë se 50-vjeçarja ka qenë viktimë e përdhunimit të disa personave dhe se ajo është shoqëruar në spital në gjendje të rëndë.
Raportohet, se gruaja, me profesion sanitare, ishte duke pastruar në ndërtesë, kur një person, mbi të 30-at me orgjinë bullgare i afrohet, i mbyll gojën dhe e tërhoqi zvarrë në apartamentin e tij.
Lexo edhe:
Sipas raportimeve, bullgari ka abuzuar seksualisht me shqiptaren për disa orë, derisa kjo e fundit mundi të dilte në ballkon e të kërkonte ndihmë. Gjatë kësaj periudhe kohore, dyshohet se viktima është dhunuar edhe nga persona të tjerë.
Ajo ishte e dhunuar keqas, me shenja të shumta dhe e traumatizuar nga ajo që ka ndodhur. Ky rast ka nxitur një revoltë të madhe në Greqi, ku aktivistë të shumtë, të mbrojtjes së të drejtave të grave kanë dalë në protestë.
Policia sakaq, ka nisur një hetim për rastin, e ka shpallur në kërkim 34-vjeçarin bullgar, ndërsa dyshohet se të përfshirë kanë qenë edhe persona të tjerë.
