Të paktën dy punëtorë të pallatit mbretëror thuhet se u detyruan të jepnin dorëheqjen për shkak të sjelljes së keqe rë Megan Markle.
Burime në Times të Londrës zbuluan në gazetë se, ndërsa Dukesha e Sussex po jetonte në Pallatin Kensington, pas martesës së saj me Princin Harry në maj 2018, ajo shpesh përdorte ngacmime kundër ndihmësve, madje deri në shpërthim në lot.
Sipas pretendimeve të gazetës britanike, dy anëtarë të stafit të pallatit u detyruan të jepnin dorëheqjen për shkak të ngacmimit në vendin e tyre të punës. Një person tjetër, i cili gjithashtu punoi si asistent, tha se ish-aktorja e kishte “poshtëruar” atë në një nivel personal.
Situata e krijuar nga Megan Markle rreth saj përmbante elemente të “mizorisë emocionale dhe manipulimit, të cilat mund të karakterizohen si ngacmim” , thotë një nga burimet e gazetës.
Sipas një burimi të Times, kur Princi Harry mësoi për ankesën, ai kërkoi të takohej me Z. Knauf dhe e luti të mos ndërmerrte asnjë veprim tjetër. Avokatët e Dukës dhe Dukeshës së Sussex mohojnë që një takim i tillë të ketë ndodhur ndonjëherë.
