Cindy Marina dhe Genar Topalli duket se janë drejt hapit vendimtar për lidhjen e tyre disa vjeçare.
Cindy ka bërë me dije se së shpejti do të shkojë drejt altarit me dashurinë e saj, Genarin.
Në llogarinë e saj në “Instagram”, ajo ka postuar ftesat e vajzave të cilat do ta shoqërojnë në ditën e saj më speciale.
Lexo edhe:
Në shkurt 2024, Genari iu ul në gjunjë gazetares së sportit dhe i propozoi asaj për martesë.
Mesa duket, nga përgatitjet që po bëhen, përgjigja ka qenë PO. Deri tani, çifti ka zgjedhur që mos të ndajë detaje nga ceremonia e tyre.
Por nga ajo që kemi mundur të mësojmë, çifti do të organizojë një ceremoni të madhe, ku do të jenë shumë të ftuar VIP.
Veç emrave të njohur të showbizzit, në këtë ceremoni nuk do të mungojnë as emrat e njohur të politikës. Në një nga resortet më të njohura të vendit, çifti ka më shumë se 200 të ftuar dhe të ftuar do të jenë disa këngëtarë, për të ndezur atmosferën.
Nusja ka menduar për të gjitha detajet, ku do të jenë disa fustane që ajo do të ketë.
Bëhet me dije se çifti do të ecë edhe drejt altarit, duke realizuar kështu edhe dasmën e tyre në kishë. Në planet e çiftit ka qenë edhe një dasmë jashtë vendit, por deri më tani, nuk dihet nëse ceremonia tjetër do të organizohet.
Teksa Cindy ka qenë disi më e prirur të ndajë disa detaje nga ceremonia, Genari ka preferuar që të mbajë gjithçka sa më diskrete, duke mos dashur të ndajë detaje me publikun. Sakaq, me shumë vëmendje pritet edhe dedikimi që Jozefina Topalli do t’i bëjë djalit të saj dhe nuses në ditën e tyre më të rëndësishme.
