Sipërmarrësi Elton Ilijani ishte i pari që mbështeti këngëtaren tonë Prashqevi Simaku, historia e së cilës bëri bujë të madhe në mbarë botën dhe ai ka pasur kontakte të vazhdueshme me ish burrin dhe djalin e divës së muzikës shqiptare. Ai jo vetëm i dha një ambient të ngrohtë familjar divës së muzikës shqiptare, por i premtoi se do të kishte dhe një takim me djalin e saj, Luke.
Por, duke dashur të mbrojë Parashqevinë, ditën e sotme sipërmarrësi ka zbuluar nëpërmjet rrjeteve sociale se shumë shpejt do të ketë një takim mes Parashqevisë dhe djalit të saj dhe disa detaje nga mesazhet që i ka dërguar gruaja aktuale e Robert Nolfe, e cila flet në emër të familjes.
Në këto mesazhe, bashkëshortja aktuale e ish burrit të Parashqevisë zbulon se bashkëshorti i saj i ka thënë se Parashqevia ka nevojë për ndihmë mjekësore prandaj nuk e lejon të shohë të birin. “Unë kurrë nuk do të largoja një fëmijë nga nëna e tij. Gjithmonë e kam pyetur pse ajo nuk merr ndihmën që i nevojitet që të mund ta shohë atë.
Më vinte keq për Lukën që nëna e tij nuk ishte në jetën e tij dhe u përpoqa ta ndihmoja Robin ta rriste, sepse të dy kishin nevojë për ndihmë. Doja të sigurohesha që Luka të rritej në një mjedis të qëndrueshëm, të shëndetshëm dhe të dashur. I uroj Parashqevisë gjithë të mirat që i nevojiten për të jetuar një jetë të lumtur dhe të mirë me djalin dhe familjen e saj.
Isha në këtë situatë duke i besuar Robertit. E dija që ajo ishte një këngëtare nga Shqipëria si një yll adoleshent, por me të vërtetë nuk dija shumë për të’-shkuan Ilirjani duke cituar familjen e ish-bashkëshortit të Parashqevisë, por që në të vërtetë, nga mënyra që është shkruar duket që është pikërisht bashkëshortja e Robertit që citon këto fjalë.
“Kjo ishte pjesa e parë e një serie deklaratash deri në takimin e Luke me Parashqevinë! Ju lutem ndërkohë mos ofendoni dhe kërcënoni asnjë njeri! Ju nuk dini asnjë gjë! Nëse e doni Parashqevinë thjesht kontribuoni financiarisht në linkun më poshtë!-përfundon Ilirjani postimin e tij.
