Një tjetër vdekje e papritur në radhët e shtypit në Katar. Bëhet fjalë për fotoreporterin Khalid al-Misslam, i cili u zhduk pak orë pas vdekjes së amerikanit Grant Wahl, që ndodhi gjatë ndeshjes Holandë-Argjentinë në rrethana ende për t’u sqaruar.
Vdekja e tij u njoftua në Twitter nga kanali televiziv ‘Al Kass’ dhe gjithashtu u raportua nga ‘Gulf Times’, ku lexohet se Khalid “vdiq duke mbuluar Kupën e Botës”, edhe pse edhe në këtë rast nuk dihen ende arsyet e vdekjes së tij.
Gazeta e Katarit shkroi: “Al-Misslam, vdiq papritur ndërsa mbulonte Kupën e Botës FIFA Katar 2022. Ne besojmë në mëshirën dhe faljen e Allahut për të dhe i dërgojmë ngushëllimet tona më të thella familjes së tij.”
Lexo edhe:
Stacioni televiziv ‘Al Kass’ i tha lamtumirë punonjësit të tij si më poshtë: “Kanalet ‘Al Kass’ vajtojnë vdekjen e Khaled al-Misslam, një fotografi në departamentin kreativ,”- lexohet në rrjetet sociale.
