Gjatë verës që kaloi, Rina Balaj ka qënë padiskutim një ndër këngëtaret më të komentura, e cila ka marrë pjesë në shumë koncerte, si brenda edhe jashtë Shqipërisë.
Këngëtarja ishte gjithashtu një ndër pjesëmarrëset e koncertit të shumë përfolur të Captal T, “Time Capsule II” në Prishtinë.
Ndërkohë që ka patur një verë të ngarkuar me koncerte dhe projekte të reja muzikore, Rina vijon të mos ndalet. Sipas disa postimeve të bëra në rrjetet sociale, artistja shihet se është duke punuar për xhirimet e projektit të saj më të ri muzikor. Madje ajo ka ndarë disa sekuenca të xhirimeve, ku disa prej të cilave i ka konsideruar tepër të vështira për t’u xhiruar.
Lexo edhe:
Ndërkaq, Rina Balaj, ka shqetësuar paksa fansat me një postim që ka bërë në profilin e saj të Instagramit, ku shihet me vigonin në krahë, ndërkohë që merr serum.
“ Në një fazë të çuditshme të jetës sime në Instagram”, ka shkruar këngëtarja bashkangjitur postimit të saj.
Nuk është ende e qartë se çfarë ka ndodhur por nga galeria e fotografive që ka publikuar mund të jetë lodhja e madhe, arsyeja që Rina është duke marrë serum.
