Teksa “Philipp Plein Residence” u vlerësua me çmimin “Rezidenca më Luksoze e Vitit”, në ceremoninë e fundvitit të organizuar nga Dhoma e Tregtisë dhe Industrisë Tiranë (CCIT Awards 2025), Çesk Ivanaj, përfaqësues i Philipp Plein në Shqipëri, theksoi se ky çmim është dëshmi e një modeli biznesi të ndërtuar mbi standarde të pakompromis, bashkëpunim dhe besim të plotë: Ivanaj vuri theksin te roli i diasporës, duke e konsideruar atë një nga motorët kryesorë të transformimit ekonomik të vendit.
“Ky çmim i veçantë sot na jep më shumë energji për të realizuar projekte të reja po aq të rëndësishme sa “Philip Plein Residence”. Dua të falënderoj gjithë shqiptarët kudo ndodhen, veçanërisht ata jashtë vendi që po investojnë dhe po sjellin në Shqipëri eksperiencat e tyre. Dua t’u them vetëm një gjë, mos u lodhni kurrë sepse këtu është vendi ynë dhe ky vend meriton që të bëjmë diçka speciale”, theksoi Ivanaj.
Lexo edhe:
Krahas vlerësimeve në Shqipëri, Ylli Ujka dhe Çesk Ivanaj kanë çmimin “Ekselenca e Italisë 2025” në Sanremo që është jo vetëm një arritje personale, por edhe një vlerësim për gjithë përkushtimin dhe punën e palodhur ndër vite.
Çmimi prestigjioz për Philipp Plein Residence u tërhoq nga dy administratorët e projektit, Ylli Ujka dhe Çesk Ivanaj, të cilët falënderuan DHTIT për vlerësimin dhe theksuan se ky çmim konfirmon standardet e larta të luksit, dizajnit dhe cilësisë që përfaqëson ky projekt unik rezidencial.
Philipp Plein Residence konsiderohet një nga investimet më ekskluzive në tregun imobiliar shqiptar, duke sjellë për herë të parë një koncept ndërkombëtar luksi, arkitekture dhe jetese, që e pozicionon Tiranën në hartën e rezidencave premium të rajonit.
