– Tetë persona, mes tyre një grua shtatzënë kanë mbetur të lënduar pasi një ashënsor ka rënë nga kati i dytë në parkingun e një pallati.
Ngjarja e rëndë ka ndodhur në Prishtinë një natë më parë, në lagjen Emshir në Prishtinë, në një banesë ku ashensori ka rënë nga kati i dytë në bodrum dhe për pasojë janë lënduar tetë persona.
Në ashensor gjendeshin tetë persona, dy prej tyre ishin fëmijë.
Lexo edhe:
“Gruaja shtatzënë edhe dy fëmijët kanë pësuar traumë të madhe”, u shpreh një banor për mediat e Kosovës.
Ai u shpreh se kanë probleme të shpeshta me këtë ashensor, i cili nuk kishte as 24 orë që ishte vënë në funksion pas një kontrolli.
Në shkurt të këtij viti në ashensorin e ndërtesës të njëjtë ishin lënduar pesë gra, njëra prej tyre kishe pësuar frakturë në këmbë.
