Dashi
Ka rrezik që gjatë kësaj dite të mos jeni aktivë dhe t’i lini gjërat pas dore. Mundet të përballeni edhe me vështirësi. Për ju të dashuruarit do ketë momente të jashtëzakonshme. Do diskutoni gjatë për disa tema delikate me partnerin dhe të dy do tregoheni kokëfortë. Bëni lëshime sepse ndryshe nuk keni për të dale askund. Plutoni do ndikojë negativisht tek jeta sentimentale për ju beqarët. Mos prisni as sot për mbërritjen e dashurisë të shumë ëndërruar. Në pune do lëvizni çdo gur vetëm e vetëm për të përmbushur ambiciet tuaja. Financat do jenë të qëndrueshme dhe nuk do keni aspak vështirësi.
Demi
Do ndiheni shumë të sigurt në vetvete gjatë kësaj dite dhe do ju duket sikur jeni mbi të gjithë. Kujdes sepse gjithçka mund t’iu kthehet kundër. Nëse keni një lidhje mos u tregoni shumë dominues sepse kjo mund të nxitë debate me partnerin. Të dy jeni të barabartë dhe keni të drejtë të shpreheni ashtu si mendoni. Ju beqarët duhet të bëni më tepër durim nëse doni ta gjeni një person me të vërtetë interesant. Rrethanat do jenë të favorshme edhe për të hedhur hapa para në karrierë. Vendosmëria do jetë një nga pikat kyçe që do iu ndihmojnë t’ia dilni. Financat do marrin drejtimin e duhur. Po vazhduat kështu shumë shpejt do keni përmirësime të mëdha.
Binjakët
Do jeni shumë të ndërgjegjshëm gjatë kësaj dite dhe do merrni masat e duhura për t’i bërë gjërat të funksionojnë. Bashkëpunimi në çift do jetë edhe më i madh sesa mund ta kishit menduar. Të dy me partnerin do shprehni ato që do ndjeni dhe do flisni hapur me njëri-tjetrin. Ju beqarët nëse nuk e teproni me kërkesat dhe nuk pretendoni të gjeni ndonjë “princ” do i kenë të gjitha mundësitë për të krijuar një lidhje. Në jetën profesionale gjërat do rrjedhin ashtu si duhet. Do jeni më të hapur dhe do i keni idetë e qarta. Në planin financiar kushtet do jenë të favorshme për përmirësim të buxhetit.
Gaforrja
Gjatë kësaj dite duhet patjetër të vendosni rregull në jetën tuaj sepse po i latë gjërat siç janë do keni probleme të mëdha. Për shkak të nervozizmit ju të dashuruarit mund të keni konflikte dhe mosmarrëveshje të shumta me partnerin. Nuk do toleroni në asnjë pikë dhe kjo do e përkeqësojë situatën. Ju beqarët duhet të prisni edhe pak kohë për personin ideal pasi dita e sotme nuk është e duhura. Në punë do iu pushtojë euforia dhe do ecni me ritme të shpejta. Ka shumë mundësi të arrini shpejt objektivin. Financat do jenë pika juaj më e dobët. Nuk do arrini dot t’i mbani ato të stabilizuar sepse do shpenzoni pa masë.
Luani
Qielli juaj do jetë gri gjatë kësaj dite. Në tërësi gjërat kanë për t’iu ecur keq dhe nuk do ndiheni të qetë. Kokëfortësia juaj në jetën në çift mund të sjellë probleme serioze me atë që keni në krah. Toleranca është një virtyt shumë i vlerësuar, kështu që mundohuni edhe ju të tregoheni të tillë. Ju beqarët do njiheni me shumë persona. Shikojeni me kujdes secilin sepse ndërmjet tyre fshihet gjysma juaj. Jeta profesionale do jetë e kënaqshme. Nëse keni ndonjë paqartësi mos ngurroni të pyesni kolegët. Falë ndihmës së Neptunit situata financiar do fillojë të përmirësohet.
Virgjëresha
Gjatë kësaj dite do jeni më të ndërgjegjshëm se më parë dhe do zgjidhni disa problematika të mbetura pezull. Venusi do influencojë së tepërmi jetën tuaj sentimentale nëse keni një lidhje. Do kaloni momente të këndshme me partnerin, por njëkohësisht do gjeni edhe kohë për familjen dhe miqtë. Ju beqarët do nisni aventura afatshkurtra, ndërsa dashuria e madhe do dhe pak kohe të mbërrijë. Në punë nuk rekomandohet të merrni vendime të menjëhershme. Yjet do jenë kontradiktorë dhe nuk do gjykoni ashtu si duhet. Në planin financiar do kryeni transaksione të rëndësishme. Situata e vështirë do të marrë fund.
Peshorja
Do jeni në humor më të mirë gjatë kësaj dite dhe do i zgjidhni edhe disa situata të ndërlikuara që ju kishin dalë. Ju të dashuruarit do i jepni më shumë prioritet jetës tuaj në çift dhe do bëni çmos që të ruani një atmosferë sa më të ngrohtë. Planetët do jenë në anën tuaj dhe do iu ndihmojnë t’ia arrini qëllimit. Ju beqarët më në fund do filloni një histori të bukur dashurie që do ua mbushë shpirtin. Në punë do arrini atë që keni dëshiruar gjithmonë. Nëse bashkëpunoni me disa kolegë suksesi do jetë edhe më i madh. Në planin financiar do keni fat. Jo vetëm që buxheti do stabilizohet, por priten edhe përmirësime të ndjeshme.
Akrepi
Në disa momente stresi nuk do ju lërë të qetë sot, megjithatë me ndihmën e të afërmve dhe miqve do kaloni gjithçka me lehtësi. Dita do mbyllet më mirë nga sa e kishit menduar. Për ju të dashuruarit gjërat do shkojnë më së miri. Do bëni mirë të mos flisni aspak për çështje lekësh që ta ruani sa më gjatë këtë atmosferë. Për sa iu përket ju beqarëve, yjet thonë se do e keni sërish të vështirë ta gjeni personin që po kërkoni. Karriera do marre një kthesë të madhe sigurisht që në të mirën tuaj. Saturni do iu ndihmoje ta stabilizoni edhe situatën financiare. Do merreni më tepër me to dhe çdo gjë do shkojë si e kishit menduar.
Shigjetari
Dielli dhe Saturni do jenë “ilaçi” për çdo problem që do keni gjatë kësaj dite. Do i largoni disa zakone të këqija njëherë e përgjithmonë. Nëse jeni në një lidhje do ndiheni të lumtur dhe të kënaqur. Emocionet do jenë të shumta vetëm bëni kujdes mos e teproni me kapricot. Ju beqarët do jeni më të përkëdhelur nga yjet dhe do e gjeni personin që keni kërkuar prej kohësh. Në punë do keni më tepër energji. Disa projekte që kishit menduar mund të fillojnë të realizohen papritur. Në planin financiar do gjeni çelësat për ta përmirësuar situatën. Kjo do iu qetësojë dhe do bëni shpenzimet e nevojshme.
Bricjapi
Dita mund të fillojë e trazuar gjatë kësaj dite megjithatë do e kaloni gjithçka shpejt dhe do merrni frymë më lirisht. Ju të dashuruarit do i jepni më shumë prioritet kënaqësisë në çift. Nëse keni kohë që jeni bashkë mund të mendoni edhe për një bashkëjetesë, ndërsa nëse jeni të martuar mund të planifikoni një fëmije. Ju beqarët do jeni më në formë se kurrë dhe do keni mundësi të shumta të shijoni dashurinë. Në punë do jetë javë e paqëndrueshme dhe shpeshherë do ndiheni të lodhur. Bëni edhe pak përpjekje që të arrini disa nga objektivat. Në planin financiar nuk do jetë nevoja të ulni shpenzimet sepse situata do jetë vërtet e shkëlqyer.
Ujori
Gjatë kësaj dite do i besoni shumë instinktit tuaj dhe do merrni vendime të rëndësishme. Ju që keni një lidhje do kaloni një ditë shumë të bukur në praninë e partnerit tuaj të dashur. Do ndiheni shpeshherë të lumtur dhe do dëshironi që dita të mos ketë fund. Gjithsesi yjet këshillojnë të mos bëni gabim ta idealizoni partnerin. Ju beqarët do refuzoni disa ftesa që mund të jenë vendimtare për jetën sentimentale. Në punë do jeni të zotët dhe do arrini pak nga pak qëllimin që i kishit vënë vetes. Mund t’iu duhet të merrni edhe vendime shumë të rëndësishme. Mërkuri do iu nxitë të tregoheni më të kujdesshëm me financat.
Peshqit
Do jeni shumë më të logjikshëm gjatë kësaj dite dhe do bëni gjithçka që secila fushë t’iu ecë sa më mirë. Disiplinën që do vendosni do ua kenë të gjithë zili. Për ju të dashuruarit dielli do ndriçojë dhe emocionet do jenë të vazhdueshme. Do ndiheni të dëshiruar dhe të përkëdhelur. Askush nuk do arrijë t’ua prishë atmosferën e ngrohtë që do krijohet. Sektori i dashurisë për ju beqarët do influencohet nga Venusi. Do keni vërtet fat prandaj duhet ta shfrytëzoni. Në punë nuk do iu mungojë kurajoja dhe do i kaloni një nga një pengesat që iu kishin dalë. Në planin financiar do jeni më të organizuar dhe do arrini ta stabilizoni situatën. Më në fund do jeni të qetë në këtë plan.
