Bes Kallaku ka thyer për herë të parë heshtjen pas ndarjes nga Xhensila Myrtezaj. Në një këngë me titullin “rrëfim” Besi pranon se asokohe kishte rënë pre e veseve, por më poshtë nënkupton se shkak i veseve mund të ketë qenë edhe marrëdhënia në të cilën ndodhej me këngëtaren. “U zhyta dhe n’vese, po po e vërtetë…Po a m’pyti njeri ça ka Besi pse nuk flet”, thotë Besi mes rreshtash.
Më tej ai duket se i drejtohet ish partneres së tij, duke e cilësuar atë thëngjill në raport me veten. “Janë thonë ça s’janë thonë por hiç s’i përfilli…Se mes meje dhe teje, dihet kush ishte thëngjilli”, thotë Besi.
Shfleto galerinë për tekstin e plotë
Lexo edhe:
Vitin e kaluar, Xhensila Myrtezaj bëri një rrëfim për ndarjen nga Besi në një intervistë në emisionin “Mirëmbrëma Yje” me Arbana Osmanin.
“Ka disa vite që ishim përpjekur të sistemonim pakënaqësitë në martesën tonë me dëshirën për të mos i dhënë fund. Por kriza ka gjithmonë në çift. Ne nuk e kishim ndarë akoma nëse donim të ishim ndarë apo bashkë. Por mendoj se në çdo marrëdhënie kur veprat me fjalët nuk kanë shumë përputhshmëri, kur në marrëdhënie ka debate, bëhet toksike. Bëhet e dëmshme për mua, fëmijët, edhe për të. Kështu unë mora vendimin për t’u ndarë.
Në çift duhet bashkëpunim, duhet punë nga dy partnerët. Kam kuptuar që nuk duhet të luftojë veç njëra palë, por nga të dyja. Ishte një vendim i marrë nga unë. Më duhej mua ta bëja si hap pasi nuk shihja asnjë mundësi tjetër. Nuk është i lehtë divorci. Disa hapa sado e vështirë të jetë, duhet gjetur guximi për t’i marrë. Unë e gjeta forcën te fëmijët e mi, sepse doja që në të ardhmen fëmijët të kishin qetësi. Shumë barrë kam marrë mbi supe. Çfarë nuk është thënë për mua, çfarë nuk kam lexuar. Por unë nuk e ndryshoj dot botën, nuk e ndryshoj dot mendësinë e tyre”, thoshte Xhensila.
