Arsyet e forta pse duhet ta përdorësh vajin e kokosit pikërisht tani

Vaji i kokosit, vitet e fundit është bërë një prej produkteve më të mira që duhet ta kesh brenda dhe jashtë kuzhinës. Por sidomos për lëkurën është një nga miqtë më të mirë në sezonin vjeshtë – dimër.

Në një kohë kur temperaturat sa vijnë e ulen, ndoshta ke filluar t’i vëresh shenjat e para të të ftohtit në lëkurë. Fytyrat delikate, por në fakt të gjitha, shfaqin probleme, skuqen dhe dehidratohen. Një prej produkteve më të mira për të cilin ia vlen të investosh në periudhën e ftohtë është vaji i kokosit.

Kuron lëkurën e thatë

Lexo edhe:

Gabimi më i zakonshëm në grimin e verës që ju bën të dukeni të lodhura! Ja si ta shmangni

Zbulim i ri kundër kancerit! Ilaçi eksperimental dyfishon mbijetesën për pacientët e prekur

Pse lëngu i karrotës duhet të konsumohet me patjetër nga nënat shtatzënë

Nga lodhja tek ekspozimi në diell, ja çfarë e shkakton dhimbjen e kokës

Nëse ke lëkurë të thatë, përdor vazhdimisht vaj kokosi. Lëkura e thatë, shpeshherë shfaq probleme, sidomos pas larjes. Ajri i ftohtë e acaron edhe më shumë. Pas dushit, thaje fytyrën me një peshqir të butë dhe apliko vajin e kokosit duke e masazhuar me mollëzat e gishtave të gjithë fytyrën, në mënyrë që vaji të depërtojë më thellë në lëkurë. 1/4 e lugës së gjellës është e mjaftueshme për të gjithë fytyrën. Mbaje për 5-10 minuta duke e masazhuar derisa fytyra ta ketë përthithur të gjithë masën.

Është një hidratues i shkëlqyer

Duke qenë një produkt 100 për qind organik, vaji i kokosit është një produkt që rekomandohet gjithmonë si një prej hidratantëve më të mirë. Sa më shpesh ta përdorësh, aq më të shkëlqyeshme do ta ndiesh lëkurën. Vaji i kokosit është i pasur me acide yndyrore të shëndetshme si dhe me vitaminë E, përbërës që ndihmojnë në rigjenerimin e lëkurës dhe hidratimin e saj në thellësi.

Lufton shejat e plakjes

Benefitet e vajit të kokosit janë të njohura edhe për të luftuar rrudhat. I pasur më kolagjen, atë mund ta përdorësh si një prej rigjeneruesve më të mirë jo vetëm për fytyrën, por edhe për skalpin. Lëkura shfaq shumë probleme gjatë stinës së dimrit, ndaj vaji i kokosit duhet bërë pjesë e rutinës.

Përdoret si esfoliant: Vajin e kokosit mund ta përdorësh edhe si scrub për lëkurën duke e përzier me produkte të tjera natyrale si kripë të trashë ose edhe sheqer për të pastruar qelizat e vdekura.

Lip për buzët: edhe kjo mënyrë është fare e thjeshtë. Buzët në kohën e ftohtë kanë një kurë natyrale si vaji i kokosit, të cilin mund ta përdorësh para çdo buzëkuqi.