A ka ndodhur ngjizja? Si të interpretoni rezultatet e Beta hCG-së?

Mund të zbulohet shtatzënia sa më parë dhe ja çfarë nënkuptojnë vlerat më të mëdha se 5

Beta hCG apo gonadotropina horionike, hormon i cili i pari mund të tregojë a ka ndodhur ngjizja.

Vlerat e tij në mënyrën më të saktë mund t’i marrin me analizën e gjakut, të cilin e sekreton indi i shtrakut të bebes.

Lexo edhe:

“Vapa mund të shkaktojë edhe kriza hipertensive”/ Temperaturat e larta, mjekja kardiologe apelon kujdes

Ndiheni të dehidratuar? Pesë ushqime që na shuajnë etjen më shumë se uji! Këshillat që ju nevojiten për të përballuar të nxehtin

Cila është mosha ideale që fëmijët të fillojnë mësimet e notit? Ja përfitimet shëndetësore tek të vegjlit

OBSH bën thirrje për rritje të çmimeve të sheqerit, alkoolit dhe duhanit, zbulohet arsyeja

Në trupin e gruas mund të regjistrohen që në ditën e dytë pas implantimit, ndërsa te shtatzënitë të cilat zhvillohen në mënyrë të rregullt, vlerat e tij përafërsisht dyfishohen në çdo të dytën ditë.

Beta hCH nivelin më të lartë e arrin rreth javës së nëntë të shtatzënisë, kur lartësia e saj është edhe deri në 1.200.000 IU/L.

Vlera pas kësaj fillon të ulet, por prej rreth njëzet javësh e deri në përfundim të shtatzënisë përafërsisht është 20.000 IU/L

Niveli i Beta hCG-së më së shumti rritet në tremujorin e parë të shtatzënisë dhe kulmin e vet e arrin midis javës së tetë dhe javës së njëmbëdhjetë, pastaj fillon të ulet në nivel të qëndrueshëm.

Vlerat e Beta hCG-së në gjak sipas javëve të shtatzënisë:

▪ Java e 3-të: 5 – 50
▪ Java e 4-të: 3 – 426
▪ Java e 5-të: 19 – 7340
▪ Java e 6-të: 1080 – 56500
▪ Java e 7-të dhe 8-të: 7,650 – 229,000
▪ Java e 9-të deri në 12-të: 25.700 – 288.00
▪ Java e 13-të deri në 16-të: 13,300 – 254,000
▪ Java e 17-të deri në 24-të: 4,060 – 165,400
▪ Java e 25-të deri në 40-të: 3,640 – 117,000

Çfarë tjetër është e rëndësishme të dini për vlerat e Beta hCG-së?

▪ Ndërsa shtatzënia përparon, rriten edhe vlerat e saj. Në javët e para dyfishohet çdo 48 orë dhe me përparimin e shtatzënisë duhen 96 orë për vlera të dyfishta.

▪ Rezultatet e ekzaminimit me ultratinguj janë më autoritative sepse ndonjëherë ndodh që një shtatzëni normale të ketë një nivel të ulët të hCG-së.

▪ Një nivel Beta hCG më i ulët se 5 mlU/mL është negativ dhe çdo gjë mbi 25mIU/mL është pozitive.

▪ Nëse ju merrni një rezultat midis 6 dhe 24 mlU/mL, mjekët e konsiderojnë atë një zonë gri dhe ndoshta do t’ju duhet të përsërisni analizën.

▪ Derisa niveli i hormonit të arrijë të paktën 1000 – 2000 mlU/mL, nuk ka nevojë të bëhet ekzaminim me ultratinguj, sepse vetëm atëherë mund të tregohet qesja e shtatzënisë.

▪ Rezultatet më të sakta do t’i merrni nëse bëni testin e hormoneve, pastaj përsërisni analizën pas 48 orësh.