Nga njëra anë, ritmi i shpejtë i jetës së përditshme dhe nga ana tjetër, fuqia e zakonit mund të rezultojë që të bini në “kurthe” të caktuata dietike dhe të bllokoni përpjekjet për të humbur peshë. Këto janë 5 gabimet e zakonshme që bëjnë të shtoni peshë pa e kuptuar.
Hani ushqime të shëndetshme me moderim
Ushqime të tilla si arrat dhe frutat e thata mund të jenë një zgjedhje e shkëlqyer por mund t’ju çojnë në marrjen e lartë të kalorive. Shumë herë, bazuar në faktin se hani diçka të shëndetshme, nënvlerësoni numrin e kalorive që konsumoni.
Mbivlerësimi i kalorive që digjni me stërvitje
Nuk është e pazakontë që njerëzit të mbivlerësojnë kaloritë që djegin gjatë stërvitjes dhe më pas të shpërblejnë veten duke ngrënë më shumë sesa i nevojitet trupi. Duke ndjekur një logjikë të tillë, jo vetëm që nuk do të arrini të humbni peshë, por mund të merrni dhe disa kilogramë tepër. Pra, sigurohuni që të kombinoni ushtrimet me një dietë të ekuilibruar.
Hani para një ekrani
Kur hani pa përqendrim, ka më shumë gjasa të injoroni “sinjalet e ngopjes” të trupit dhe të hani më shumë sesa keni nevojë. Pra, në vend që të shikoni fotot në Instagram, t’u përgjigjeni emaileve tuaja ose të shikoni TV ndërsa hani, përqendrohuni në atë që hani.
Nuk i zgjidhni ushqimet në mëngjes “me zgjuarsi”
Nuk mund të hani për mëngjes briosh apo gjëra të tjerë të ëmbla dhe të prisni për të humbur peshë. Përfshini proteina në mëngjesin tuaj (p.sh. tërshërë me qumësht bajame, vezë, omëletë me kërpudha) për të rritur metabolizmin tuaj dhe për të zgjatur ndjenjën e ngopjes.
Harroni ujin
Mund të jetë klishe, por uji është aleati juaj përfundimtar në ruajtjen e përqendrimit dhe luftimin e urisë. Prandaj, sigurohuni që të keni gjithmonë një shishe me ujë dhe të pini para se të arrini pikën e etjes. Kur harroni të pini ujë, është shumë e mundur që të ndiheni të uritur dhe kështu të çoni në mbikonsumim të kalorive.
