Gazetari Blendi Fevziu doli me një thirrje të fortë mbrëmjen e djeshme për gjithë shqiptarët.
Fevziu ka treguar se deputetët që nuk janë në nivelet më të larta dhe për po bëjnë fushatë për herë të parë, i kanë thënë se po hasin në një ngërç shumë të madh. Qytetarët që ata kontaktojnë iu kërkojnë para në këmbim të votës.
Fevziu bëri thirrje që të mos e shesin votën në asnjë mënyrë sepse e rrisin mjerimin më shumë.
“Pjesa më e madhe e informacioneve që po marrim nga deputetë që nuk janë të niveleve më të larta, por që po tentojnë të bëjnë fushatë për herë të parë, tregojnë që ka një ngërç shumë të madh. Një pjesë e qytetarëve që ata kontaktojnë kërkojnë të marrin një vlerë për votën që ata japin. Do doja ta bëja sot thirrje, do ta bëj dhe ditët në vijim. Mos kërkoni të shisni votën tuaj se nuk ka mjerim më të madh.
Në qoftë se doni të përcaktoni të ardhmen tuaj, në qoftë se doni të zgjidhni të ardhmen tuaj, në qoftë se doni t’i jepni një të ardhme fëmijëve tuaj mos e shisni votën, por përdoreni atë sipas bindjeve që keni për të mirën tuaj, për të mirën personale, për të mirën e familjes tuaj, për të mirën e qytetarëve të Shqipërisë. Do ta bëj këtë apel deri ditën e fundit. Duket që është një fenomen shumë negativ sidomos nga forca pak më të vogla që vijnë vërdallë dhe që shohin mundësinë e financimit si zgjidhjen e vetme për të ecur përpara”, deklaroi Blendi Fevziu.
