Mori vesh se mami ishte shtatzënë, djali 6 vjeç i këngëtarit të famshëm u bën prindërve pyetjen e sikletshme

Djali i Michael Buble, Elias pati një reagim gazmor, por të sikletshëm për prindërit e tij, kur i dhanë lajmin se bebi numër 4 po vjen.

Historinë e tregoi vetë këngëtari me famë botëroer në një intervistë kur tha: “Ne i treguam fëmijëve për lajmin Ditën e Krishtlindjeve. U thamë atyre: Mamaja ka një bebe në bark. Do keni një motër ose vëlla. Djali im 6 vjeç, Eli, u shqetësua. E pyetëm se çfarë nuk shkonte dhe na u përgjigj: Pse nuk na ftove të shikonim kur ratë në dashuri dhe bëtë fëmijën?”.

Buble ka treguar më pas se me të vërtetë nuk ka ditur se si ti përgjigjej.

“Sepse padyshim, ata nuk e kanë idenë se si ndodh fizikisht. Është vërtet e lezetshme. Është thjesht kaq e ëmbël. Ata thjesht e dinë që nënat dhe baballarët bien në dashuri dhe bëjnë fëmijën, kështu që ai thjesht dëshiron të jetë i ftuar”, tha këngëtari i famshëm.