Kushtet atmosferike të qëndrueshme do të dominojnë vendin tonë gjatë ditës së sotme, duke sjellë një mot përgjithësisht të mirë dhe pa reshje.
Sipas parashikimeve, moti do të jetë kryesisht me kthjellime dhe alternime vranësirash, të cilat do të jenë më të theksuara gjatë orëve të pasdites. Temperaturat pritet të mbeten në vlera normale për këtë periudhë të vitit.
Era do të fryjë kryesisht nga jugperëndimi dhe juglindja, me shpejtësi mesatare rreth 6 m/s, ndërsa përgjatë zonave bregdetare do të ketë intensifikime të përkohshme, duke arritur deri në 12 m/s.
