Së fundmi sistemi Europian i sigurisë ushqimore ka ngritur alarm ndaj ngarkesave me mandarina të cilat eksportohen nga Shqipëria.
Përgjatë javëve të fundit, Kroacia, Republika Çeke, Italia dhe Lituania, vende që kanë importuar fruta nga vendi ynë, kur papritmas kanë refuzuar prodhimin shqiptar.
Nga kontrollet e bëra, burimet zbulojnë se mandarinat rezultuan me mbetje të disa substancave të rrezikshme për shëndetin e njeriut dhe të ndaluara për tregtim në BE.
Pra mbetjet e larta të pesticideve chlorpyrifos dhe phosmet, të cilat si efekte anësore kanë ndikimin në zhvillimin e trurit tek fëmijët, çrregullime të sistemit nervor dhe atij endokrin, si dhe rritjen e rrezikut për sëmundje të zemrës dhe kancer.
Ndonëse sinjalizimi i konfirmuar nga Komisioni Europian është bërë në datat 29 Nëntor dhe 11 Dhjetor të këtij viti, nga Ministria e Bujqësisë dhe institucionet e kontrollit ushqimor në vend nuk ka patur një lajmërim zyrtar mbi sigurinë apo tërheqjen nga tregu të këtyre produkteve.
