Një aksident tragjik i mori jetën 21-vjeçarit shqiptar mbrëmjen e kaluar në Itali.
Mediat italiane raportojnë se 21-vjeçari i identifikuar si Rilind Thaçi me origjinë nga Kosova, po kthehej nga Jesolo, në zonën e Venedikut kur papritmas BMV-ja me të cilën udhëtonte, e drejtuar nga kushëriri i tij, doli nga rruga në kthesë pak përpara varrezave të Cavallino-s dhe u përplas me një shtyllë pikërisht në anën e pasagjerit ku ishte ulur Rilindi.
Përplasja ishte aq e fortë sa për 21-vjeçarin nuk u dhanë shpresa për shpëtim.
Ndërkohë që kushëriri i tij 24-vjeç mbeti i plagosur rëndë.
Dita e nesërme (15 nëntor) do të ishte dita e fundit e punës si kopshtar në kampingun Union Lido në Ca’ di Valle e më pas Thaçi do të kthehej në vendlindje, në Malishevë ku e priste nëna me babain.
