Një fenomen shqetësues po përhapet mes adoleshenteve shqiptare. Detektivja private Shkenda Lili ka zbuluar se gjithnjë e më shumë vajza të moshës 16-17 vjeç po përfshihen në marrëdhënie me burra më të rritur, të joshura nga premtimi për jetë luksoze që shfaqet në rrjetet sociale.
Sipas Lilit, adoleshentet kërkojnë iPhone, rroba firmato dhe dalje në lokale, duke ndjekur një mënyrë jetese që shpesh nuk përputhet me realitetin e tyre. “Kur prindërit nuk ua ofrojnë, e gjejnë diku tjetër,” thotë ajo.
“Rrjetet sociale janë një mashtrim i madh. Vajzat duan të jetojnë si në Instagram, pa e ditur çfarë çmimi po paguajnë,” shton detektivja, duke theksuar se mosha më kritike është 14-18 vjeç – periudhë kur presioni shoqëror dhe ndryshimet psikologjike janë më të forta.
Lexo edhe:
Shumë prindër i janë drejtuar zyrës së saj për të hetuar jetën e fshehtë të fëmijëve të tyre: me kë shoqërohen, çfarë konsumojnë dhe çfarë fshihet pas ekranit të telefonit. “Kam pasur dhjetëra raste që kanë tronditur prindërit. Realiteti është më i rëndë se sa mendojnë ata,” përfundon Lili.
