Moderatorja e njohur, Nevina Shtylla, ka bërë ditën e sotme një bashkëbisedim virtual me ndjekësit e saj të shumtë në “Instagram”.
Pyetjet kanë qenë të shumta, të lidhura me jetën e saj private por edhe atë profesionale.
Shumë fansa kanë qenë kuriozë të dinë se ‘kur do të bëhet mami’ dhe ajo nuk ka ngurruar që t’u kthejë përgjigje. Por jo vetëm kaq, pasi ka patur ndjekës që donin të dinin nëse Nevina ‘e sheh veten ndonjëherë në Big Brother?’.
Lexo edhe:
Moderatorja është përgjigjur sinqerisht duke thënë se ‘do gënjente nëse do thoshte jo’.
Nevina shton se në një format si “Big Brother” të depërtosh te publiku duhet të jesh 100 për qind vetja dhe të sakrifikosh një copëz të privatësisë’.
“Do isha duke iu gënjyer nëse do thoja jo dhe nuk di nëse ka personazh që është pjesë e botës së medias në një formë apo në një tjetër që nuk e ka çuar nëpër mend ndonjëherë veten si pjesë të Big Brother. Jam shumë kurioze të di se si do të reagoja unë karshi sfidave që të vendos një format i tillë. Nuk është se nuk e kam sprovuar veten në përditshmërinë time me situata nga më të çuditshmet dhe më të vështirat, di që kam nerva të forta.
Megjithatë të jesh pjesë e Big Brother është diçka krejt tjetër nga thjesht të marrësh famë dhe vëmendje, sepse je 24 orë përpara kamerave dhe përballon njerëz që i do dhe nuk do.
Që të arrish dhe të depërtosh te publiku duhet të jesh vetja 100 për qind, që do të thotë të sakrifikosh një copëz të privatësisë. Unë këtë pjesë e kam patur të shenjtë dhe e kam ruajtur me shumë fanatizëm në të gjithë vitet e mia si pjesë e botës së medias dhe nuk e di nëse do të isha aq e suksesshme dhe aq e mirë në një format si Big-u nëse nuk do t’a sakrifikoja këtë pjesë timen”, thotë Nevina Shtylla në një video të postuar në “Instastory”.
