Dolçe, konkurrentja e Big Brother VIP Kosova, është parë sot në Aeroportin e Romës teksa përgatitej të nisej drejt Tiranës. Vip Magazine ka siguruar ekskluzivisht foton e saj, vetëm pak çaste përpara imbarkimit.
Në foto, Dolçe shfaqet e shoqëruar nga një vajzë që duket se mund të jetë pjesë e produksionit, megjithëse kjo nuk është e konfirmuar. Kjo sjell edhe pyetjen se sa i sigurt mund të jetë izolimi i saj nga informacionet e jashtme, duke qenë se çdo detaj nga realiteti jashtë shtëpisë është i ndaluar për konkurrentët e formatit.
Pas mbërritjes në Tiranë, Dolçe pritet të udhëtojë menjëherë drejt Prishtinës, për të qenë sonte në spektaklin Prime të Big Brother VIP Kosova.
