Autoritetet në Greqi janë vënë në alarm pas vrasjes së dy burrave në zonën e Finikoundas, Mesina.
Sipas informacioneve të mediave fqinje, dy burrat u gjetën të vrarë pranë recepsionit të një kampingu në zonë. Një nga dy viktimat është grek rreth 70-vjeç dhe, sipas raportimeve, është pronari i biznesit. Viktima tjetër është me origjinë shqiptare dhe është mik i pronarit por edhe punonte në biznesin e tij.
Siç raporton gazeta “Protothema”, banorët e zonës i raportuan policisë se autori i krimit ishte një i ri që dyshohet se iu afrua dy personave dhe qëlloi drejt tyre nga afër me armë zjarri. Shqiptari, 55-vjeç, është qëlluar me çifte në pjesën e pasme të shpinës.
Lexo edhe:
Raportohet se pronari i biznesit ishte kërcënuar nga disa persona ditë më parë, por nuk e kishte denoncuar ngjarjen në polici.
