“Zgjohet natën dhe bërtet”, dëshmia rrëqethëse e babait të 3-vjeçares

Para transmetimit të pamjeve të plota të dhunës së ushtruar nga edukatorja ndaj 3-vjeçares, stafi i emisionit investigativ “Stop” në Tv Klan thirri babain e vajzës së vogël për ta njohur me pamjet e rënda në mënyrë që të mos njihej përmes ekranit me to.

I ati i vogëlushes, i prekur tregoi për kalvarin nëpër të cilin i është dashur të kalojë që nga momenti kur ndodhi ngjarja e rëndë. Ai tha se po përpiqet për rehabilitimin e vajzës, e cila pas traumës ka treguar se e dhunoi edukatorja edhe pse më parë nuk fliste rrjedhshëm.

“Vajza zgjohet në darkë, bërtet me të madhe edhe thotë “edukatorja”. Që vajza ime nuk flet plotësisht, por dy netët e fundit në Spitalin e Traumës filloi duke folur, siç flasim ne tani dhe tha “edukatorja më rrahu”.

Lexo edhe:

U vra në krye të detyrës, efektivi 34-vjeçar, baba i një djali të mitur

Tragjedi në Shëngjin, ndërrojnë jetë dy të rinj pasi u morën nga dallgët, dy në gjendje të rëndë

Deputeti i PS reagon për protestën në Zvërnec: Situatë e papranueshme! Rojet private nuk mund të zëvendësojnë shtetin

Erion Braçe: Ajo që ndodhi në Zvërnec ishte e rëndë, Policia tentoi të fshehë krimin. Pse nuk po hetohen njerëzit me të zeza?

Unë ngela kshu, u shokova fare, u përlota. Pasi bëri allçinë që po e mbanim aty në vëzhgim që do dilnim për punë dite, foli, filloi duke folur fjalë të rrjedhshme edhe me sy mbyllur në gjumë.

Po ta mendosh, ajo nuk flet dot ashtu, nuk e thotë dot fjalën “edukatorja më rrahu”, në botë nuk e thotë dot. Aty e tha.

Në gjumë përsërishte edhe “mbylle gojën, qepe gojën, mos e fut te goja, bam-bam”. Unë punoj dy punë, nga ora 6 e deri në orën 8 të darkës. Mendova, që një kopsht privat do ishte ideal për vajzën time, që nuk flet dot, por…”