Bashkëshortja e Donald Trump, Melania Trump jo rrallëherë e ka vendosur ish Presidentin e Shteteve të Bashkuara të Amerikës në pozita të vështira, publikisht. Pamjet nga videot ku Melania nuk pranon t’i japë dorën apo i shmanget puthjes së Trump janë të shumta.
Çifti Trump u larguan nga Shtëpia e Bardhë të mërkurën herët dhe më pas shkuan në Florida, mirëpo zbritja e tyre nga avioni është shoqëruar me sjellje aspak të hijshme të Melanisë ndaj mediave dhe njëkohësisht dhe bashkëshortit të saj.
Teksa Trump ndaloi për të përshëndetur gazetarët dhe qëndroi disa sekonda përpara kamerave që pritën ish çiftin presidencial, Melania vendosi të largohej me shpejtësi duke mos qëndruar pranë partnerit të saj.
Lexo edhe:
Prej disa kohësh në mediat e huaja po qarkullon lajmi se bashkëshortja e politikanit dhe biznesmenit Trump do t’i kërkojë atij divorcin pas mbylljes së mandatit, i cili e ka mbajtur ‘pezull’ këtë vendim të sajin.
