Një 12-vjeçare nga Sukthi ndërroi jetë në Spitalin Rajonal të Durrësit, pasi pësoi një hemorragji cerebrale.
Për rrjedhojë burimet bëjnë me dije se po zhvillohet autopsia e 12-vjeçares e identifikuar si Endi Bardhi.
Policia e Durrësit nuk ka dalë ende me një komunikim për rastin, por drejtues të saj bëjnë me dije se kanë nisur hetimet dhe pritet ekspertiza mjeko-ligjore për rastin.
Lexo edhe:
Kujtojmë se e mitura ka qenë në mësim kur është ndjerë keq dhe e kanë dërguar me autoambulancë në urgjencën e pediatrisë së spitalit të Durrësit me konvulsione, rreth orës 09:30.
Gjendja e saj është përkeqësuar në orët në vazhdim dhe ekzaminimi me skaner ka përcaktuar shkakun e gjendjes së rënduar shëndetësore.
12-vjeçarja po kalonte një hemoragji cerebrale. Ajo u nda nga jeta rreth orës 18:30 të së premtes, ndërsa do të përcillet për në banesën e fundit rreth orës 15:00 të ditës së sotme në Sukth.
