Ditën e sotme, gazetari i njohur shqiptar Eno Popi në një intervistë për “S’e luan topi” na ka zbuluar të pathënat nga jeta e tij.
Mes lotësh Popi përmendi humbjen e mamasë së tij para kohe.
Eno u bë baba pak më shumë se një vit pas ndarjes nga jeta të nënës, teksa në jetë erdhi Liv, e cila sot është gjashtë vjeçe.
Prej disa vitesh Eno jeton mes Shqipërisë dhe Kanadasë, aty ku tashmë është vendosur familja e tij, partnerja Atena dhe e vogla e tyre.
Teksa në rrjet u aludua se Popi është ndarë nga partnerja, gazetari vendosi pikat mbi i.
Me plot emocione, Popi rrëfen se distanca nuk i ka larguar nga njëri-tjetri, por madje ka përforcuar dashurinë e tyre.
Një moment emocionues ishte letra që për herë të parë babai i tij i shkroi, dhe leximi i saj në publik.
Po ashtu surprizë ishte dhe ardhja në studio e vëllait të tij, i cili doli për herë të parë në ekran, për t’i thënë Enos se si vëllai më i vogël ai e ka patur idhull dhe shembull gjatë gjithë jetës.
