Fation Kuqari, ish konkurrenti i “Për’puthen” u largua nga emisioni ku kishte shkuar për të gjetur një partnere pasi u përfshi në një debat me një nga pjesëmarrësit e rinj në program, Erin. Situata mes tyre degradoi në ofendime e sharje banale, madje djemtë tentuan edhe të godisnin njëri-tjetrin, duke shqetësuar të pranishmit në studio.
Pas kësaj Kuqari nuk u rikthye më në “Për’puthen”, ndërsa vëmendjen së fundmi e ka marrë për shkak të jetës së tij private. Një nga modelet më seksi shqiptare e ka etiketuar Fationin pas një komenti që i ka shkruar në ‘Instagram Story’, duke e quajtur me përkëdheli ‘beb’.
Bëhet fjalë për Trejsi Sejdinin, e cila ka treguar shumë nga marrëdhënia e tyre. Fationi i ka shkruar Trejsit “O fëmijë i llastuar“, ndërsa ajo ka publikuar një video super seksi të sajën, teksa ia kthen “Bebwww praa“.
Nuk dihet ende se çfarë po ndodh mes tyre, ndërkohë që të gjithë janë sy e veshë për të kuptuar nëse Trejsi dhe Fationi janë një nga çiftet më të reja në showbizzin shqiptar.
