Shtetet e Bashkuara të Amerikës kanë nisur të hapin dosjet për emrat që kërkojnë të mbeten jashtë Parlamentit. Ambasadorja Yuri Kim ka lëshuar mjaft mesazhe të forta për krerët e politikës, ndërsa sinjalet janë të qarta se nuk do të ketë asnjë tolerim nëse në lista shfaqen individë me rekorde kriminale, të korruptuar apo që janë shpallur “non ngrata” nga amerikanët. Pak javë më parë u duk sikur ambasada e SHBA bëri një prapaktheu me rastin e Tom Doshit, por nuk ka ndodhur kështu. Të dielën Yuri Kim lëshoi një mesazh të fortë për politikën, ndërkohë në RTSH është transmetuar një investigim për zotin Doshi, i financuar nga SHBA. Bëhet fjalë për emisionin “31 minuta”, i cili financohet nga ambasada e SHBA. Ky emision është fokusuar te dekriminalizimi dhe deklarata e ambasadores, ndërsa ka bërë dhe disa zbulime për Tom Doshin. Në këtë investigim zbulohet se Doshit i është ndaluar nga ministria e Brendshme e Australisë në qershor të 2015, hyrja në Australi. “Qershor 2015, ministri i Brendshëm i Australisë i revokoi vizën australiane bazuar në informacione konfidenciale se nuk e kaloi testin e karakterit. Vendimi ishte dhënë 3 vite para se SHBA t’i ndalonte atij hyrjen dhe në 2019, ministri nuk pranoi t’i hiqte vizën. Kjo ishte shkak që palët të shiheshin në gjykatë e cila refuzoi tre nga qëndrimet e palës ankuese dhe pranoi njërën prej tyre, pasi sipas gjykatës, ministri mund të mos ketë pasur një mendim të pavarur dhe i kërkoi atij që të tregonte se veproi në mënyrë të pavarur. Deri më tani, ministria që revokoi vizën nuk ka marrë asnjë vendim”, thuhet në dokumentar. Por fakti që kemi një investigim është një mesazh për të gjitha partitë se SHBA ka të dhëna për çdo emër dhe nëse nuk zbatohen direktivat mund të kemi emra të tjerë që do të dalin në skenë.
Qëndrimi i avokatit
“31 minuta” ka kontaktuar edhe me avokatin e Tom Doshit, Vladimir Meçen. Avokati thotë se gjykata australiane ka “shpallur” de fakto fitues Doshin, duke i lënë barrën e provës Ministrisë së Brendshme që të provojë arsyet pse Doshi nuk e kalon dot “testin e karakterit”. “31 minuta” ka kontaktuar edhe me avokatin e Tom Doshit, Vladimir Meçen. Avokati thotë se gjykata australiane ka “shpallur” de fakto fitues Doshin, duke i lënë barrën e provës Ministrisë së Brendshme që të provojë arsyet pse Doshi nuk e kalon dot “testin e karakterit”. “Ky vendim apo kjo masë e marrë nga ministri i Brendshëm i Australisë është revokuar, është pranuar pjesërisht ankimi i z.Doshit dhe çështja i është kthyer sërish ministrit të Brendshëm. Kush është familjar me procesin gjyqësor, gjykata ka vendosur rimbursimin e shpenzimeve gjyqësore, Doshi mori 21 mijë dollarë dhe rimbursimi bëhet për palën fituese. Fakti që i është ndaluar apo revokuar viza në Ministri të Brendshme s’përbën shkak për të mos garuar në zgjedhje. Po pret një vendim nga ministri. Republika e Shqipërisë është një shtet i së drejtës, kemi këtë në Kushtetutë, në nenin 4”, tha avokati.
Lexo edhe:
Doshi i pari në Shkodër dhe Tiranë
Pavarësisht presionit amerikan, Tom Doshi nuk është tërhequr nga kandidimi. Në lisat e dorëzuara nga PSD, Toms Doshi garon i pari në Tiranw dhe Shkodër, ku pas tij në kryeqendrën e veriut janë: Gledis Celiku; Merki Markici; Bilbil Dervishi; Serdar Hoxha; Amela Zaganjori; Eduard Gjoka, etj. Nëse analizojmë ligjin e dekriminalizimit ai nuk e prek zotin Doshi dhe pritet që ai të mos ketë asnjë problem në kandidimi.
