Është kaq e trishtë historia e këtyre fëmijëve shqiptarë që sot kanë mbetur fillikat në kampin sirian të “Al Hol” që pas dërgimit atje para 7 viteve nga babai i tyre Shkëlzen Dumani i cili do të gjente vdekjen vetëm disa muaj më mbrapa si ushtar i ISIS.
Pas humbjes së babait, i vetmi i rritur që u ishte pranë qe gjyshja e tyre e cila së fundmi, pas disa komplikacioneve në zemër do të gjente edhe ajo vdekjen duke lënë krejt të vetëm 2 fëmijët Eva dhe Endri Dumani.
Daja i tyre Xhetan Ndregjoni është shprehur edhe më herët se në asnjë moment nuk ka hequr dorë nga përpjekjet e tentavitat e shumta që për fatin e keq deri më sot kanë dështuar. Kanë dështuar po ashtu edhe thirrjet e shumta drejt qeverisë shqiptare për të riatdhesuar fëmijët.
Për shtetin duket të jetë më e rëndësishme të derdhen qindra mijëra euro nëpër tendera mes miqsh interesash sesa të financohet për riatdhesimin e më shumë se 50 fëmijëve që krejt të pafaj përfunduan në kampet e një shteti të huaj.
Lexo edhe:
Megjithatë daja i tyre vazhdon të mos dorëzohet duke provuar edhe një herë tjerë që shteti shqiptar të bëjë diçka për ta. Të hënën në orën 17:00 do të marshohet drejt kryeministrisë dhe kërkesa është shumë e qartë: “Ktheni fëmijët tanë në shtëpi.”
Duke folur me nismëtarët e këtij marshimi ata shprehen duke ju drejtuar shoqërisë: “Nëse ju i keni fëmijët tuaj në krahë tani, na ndihmoni të marrim dhe ne tanët”
