Më herët gjatë javës, Semi dhe Donaldi debatuan me tone të ashpra pasi aktori tha se është single. Kjo nuk u prit mirë nga Semi, e cila i tha se nuk duhet ta puthte nëse është vetëm. Sot gjatë spektaklit marrëdhënia mes tyre u diskutua sërish.
Semi tha ndihet e përfshirë në lidhjen e tyre sepse është shoqje me Borën dhe se nuk po e bën për lojë. Por, tha se nuk do ndërhyjë më.
“E ndjej veten shumë keq, Borën kam 15 vite që e njoh, në lidhje me Donaldin. E kam parë në herën e fundit që e kam bërë të ndihet keq, por i kam xhan dhe dua të jenë me njëri-tjetrin dhe dua që ta sqarojnë. Por i kam kërkuar falje, por nuk do të merrem me këtë gjënë. Donaldi me Borën nuk takoheshin dhe kam qenë ajo që e kam shtyrë këtë që të sqarohen”, tha Semi.
Lexo edhe:
Ndërsa Donaldi tha se nuk do që të flasë për marrëdhënien mes tij dhe Borës, sepse është shumë personale. Sa i përket Semit, ai tha se e do shumë por ka ardhur momenti që të mendojë për veten tanimë.
“Nuk dua të jem në qendër të vëmendjes për këtë gjë. Unë e thashë që e dija pak a shumë pjesën e Semit këtu brenda, por nuk mendoj që këtë e ka bërë për lojë. Semi është protektive ndaj shoqes së vet dhe nuk ka pse e bën kundrejt meje. Më bën të ndihem keq, e vetmja gjë që më bën të dyshoj është që nuk më vlerëson si Donald, por si i dashur i shoqes së vet, unë duroj por vjen një moment që duhet të them stop dhe ka ardhur koha të mendoj për veten time. Të dua shumë, më beso. Të dua për vajzën që je. Por, stop! Ka ardhur momenti të mendoj për veten”, tha Donaldi.
