Situata në Ferma VIP ka degraduar ndjeshëm, teksa këngëtarja Big Mama ishte vetëm një hap larg dhunës fizike ndaj banores Alba. Shkak u bë një debat banal për një fshesë, por që shpejt u kthye në një konflikt verbal të ashpër me tone kërcënuese dhe sjellje të rrezikshme.
Ngjarja nisi pasi kryefermeri Frederiku ndryshoi mendje dhe urdhëroi Keisin t’i merrte detyrën Albës për të fshirë shtëpinë. Në përpjekje për të mbrojtur Keisin, Big Mama ndërhyri me agresivitet, duke tentuar t’i rrëmbejë me forcë fshesën Albës.
Në pamjet e transmetuara, Big Mama shihet duke iu afruar fizikisht Albës në mënyrë kërcënuese, duke u përballur fare pranë me të, ndërkohë që ofendimet nga ana e saj nuk munguan.
Ky incident ngjalli reagime të forta në rrjet, ku shumë ndjekës e krahasuan menjëherë me rastin e bujshëm të Jozefin Markut (Jozi) në Big Brother VIP, i cili goditi fizikisht Gjestin me një shuplakë në fytyrë – një skenë që u bë temë kombëtare dhe kërkoi reagim institucional nga produksioni dhe publiku.
“Kur të kesh një arsye se çfarë të kam bërë, atëherë më trego sa pa respekt jam”, i është drejtuar Alba, ndërsa në këmbim ka marrë një lumë sharjesh dhe ofendimesh nga Big Mama, dhe nje pjese e mire e të të gjithë banorëve.
