Janë zbuluar detaje të reja lidhur me plagosjen e Ardian Çapjas në shtëpinë e tij gjatë paradites së sotme. Mësohet se ai është qëlluar nga një snajper dhe se plumbi e ka marrë në shpatull. Policia ka dhënë detaje lidhur me plagosjen në Elbasan. Ardian Çapja është emër jo i panjohur teksa i është bërë më herët dhe atentat.
Më 26 dhjetor të 2017 ai është qelluar me kallashanikov. Ende nuk ka asnjë pistë konkrete për atentatin ndaj familjes Çapja, por më kryesorja lidhet me konfliktet e vjetra të fisit. Më 3 shkurt 2016 u vranë tre pjesëtarë të kësaj familjeje, kurse Florenc Çapja i shpëtoi një atentati të ndodhur në qershor 2016, ku mbeti i plagosur shoku i tij, Bledar Muça, me të cilin po udhëtonte në një makinë. Ndër vite, familja Çapja është akuzuar si e përfshirë në ngjarje kriminale, por edhe ka qenë pre e tyre.
