Dy reperët prej vitesh kanë një konflikt, i cili dukej se nuk do shuhej kurrë. Stresi dhe Noizy, kanë dhënë shpesh deklarata kundër njëri-tjetrit, por vrasja e Klodian Rashës, duket i ka bërë ata që ta lejnë pas krahëve të kaluarën.
Noizy ka bërë një thirrje në Instagram, ku ftonte të gjithë të kontribuonin me sa të mundeshin, për të ndihmuar familjen e Klodian Rashës. Më pas në rrjet qarkulloi një bisedë e Stresit, ku ofrohej për të ndihmuar Noizyn në kauzën e tij.
Lexo edhe:
“Unë desha ta bëjmë transparente këtë garë, pa hile sepse gjithmonë personi në kllapa, në çdo situatë përmend lekun. Dhe pashë që kishte thumbuar se artistët janë bërë “ për tu ndihmuar vetë financiarisht”. Kur të duash, sfidë të hapur, për të gjithë artistët, kush të dojë ta hapë, që të ndihmojmë realisht atë familje, jo sfidë mes njëri-tjetrit. Unë s’kam pse pajtohem me të (Noizyn), siç kishin shkruar mediat. As nuk pajtohemi, as nuk konfliktohemi. Thjesht siç kemi qenë prej vitesh, kur jemi zënë adoleshentë, unë në punë time ai në punë të vet. Por kemi respekt për familjet e njëri-tjetrit. Ne nuk bëhemi kurrë për muzikë. Kaq,” ka shkruajtur Stresi.
