Nga Manjola Ceka
Ditëve të fundit po qarkullon gjithandej në instagram një sfidë ku gratë e vajzat, të famshme apo jo postojnë foto të tyre bardhë e zi me hashtagun #challengeaccepted.
Një sfidë që në thelb duhet të ishte “Gruaja në mbështetje të gruas” deri më tani numëron rreth 3 milion postime vetëm nën hashtagun #challengeaccepted e shumë të tjera nën të tjera hashtag.
Kauza kësaj here nuk është fort e qartë pasi në 2016 e njejta sfidë u bë për të përhapur thirrje për ndërgjegjësimin ndaj kancerit. Përgjatë viteve të mëvonshme, ky trend fotosh u përdor për të shpërndarë pozitivitet.
Megjithëse shumë të famshëm, përmendim këtu Eva Longoria, Jennifer Garner, Kerry Washngtion e shumë të tjera, janë bërë pjesë e kësaj sfide, ka patur edhe nga ata që nuk e kursyen kundërshtimin ndaj kësaj sfide.
“Po marr aktualisht mesazhe urrejtje në instagram nga njerëz krejtësisht të panjohur sepse unë thashë se selfiet bardhë e zi nuk janë një kauzë.” -shprehet moderatorja e podcast-it Ali Segel. Dhe vijon:
“Mesa duket unë i urrej gratë dhe nuk e dua veten.”
Për aq sa mund të vlejë edhe qëndrimi jonë, gruaja ka plot ngjyra dhe si e tillë duhet të përfaqësohet. Këto selfie në fakt as nuk mund të motivojnë, as nuk mund të mbështesin gruan në asnjë aspekt.
Uroj vetëm që shqipëtarët këtë herë, ti rrinë larg këtij show amerikan të pa kuptimtë.
Burimi: The New York Times
