Ditën e djeshme, moderatori dhe gazetari i njohur Enkel Demi humbi vëllain e tij, Saimir Demi.
Enkel Demi ka reaguar në rrjet duke u shprehur se i vetmi ngushëllim që ka është fakti që i vëllai nuk vuajti dhe iku i rrethuar nga njerëzit e tij dhe nga mjekët.
“Nuk është e lehtë, por duhet bërë ky njoftim. Vëllai im i vetëm, Saimiri iku tek Hyji sot në mesditë. I vetmi ngushëllim është që nuk vuajti dhe qe i rrethuar nga përkujdesi i mjekëve të Spitalit Infektiv dhe njerëzit e tij të zemrës”, shkruan Enkel Demi, i cili thotë nesër në orën 12.00 do të bëhen homazhe në hollin e RTSH. “Prej andej, në orën 14.00 do të çojmë Saimirin në banesën e fundit në Sharrë”.
