Këngëtarja e njohur Rihanna dihet publikisht që ka patur një marrëdhënie të komplikuar me të atin. Babai i këngëtares ka qenë i alkoolizuar dhe e ka braktisur Rihanën dhe të ëmën kur këngëtarja ishte adoleshente. Shpesh herë Riri dhe i ati janë përballur në gjykatë për çështje të ndryshme, teksa këngëtarja është përpjekur të ruajë imazhin dhe pasurinë e saj.
Ndërkaq, mësohet se përveç dy vëllezërve më të vegjël që i dijnë të gjithë, Rihanna ka edhe dy motra dhe një vëlla “të fshehtë” nga i ati. Në fakt, këta tre fëmijë, vijnë nga një marrëdhënie jashtë martesore të të atit të këngëtares, të cilët gjithashtu u braktisën prej tij.
Tashmë Rihanna mban komunikim me dy motrat e saj, por jo me vëllain nga babai, ndërkohë që për ta ka preferuar të mos flasë në asnjë intervistë të sajën.
