Rivaliteti i skenës mes reperëve të njohur me emrin e artit si Noizy dhe Stresi është zhvendosur në mbështetjen e kauzave.
Përmes një reagimi në rrjetet sociale, Noizy i ka bërë thirrje qytetarëve që protesta për Klodian Rashës, i vrarë pak ditë më parë nga një efektiv policie është kthyer në një protestë politike dhe se gjithçka bëhet për b*thët e pjesëmarrësve.
Në statusin e tij, Noizy shkruan se të gjithë artistët duhet të bashkohen dhe të ndihmojnë familjen e Rashës me ndihmë financiarisht, teksa pohoi se nesër, ai do të shkojë për vizitë në familjen e Klodianit.
‘Kush nga artistat do bashkohet me mu të ndihmojmë familjen e Klodianit? Më shkruani… Unë them të ndihmojmë atë familje se sa të merremi me protesta për të mbrojt b*thët tonë.. Asnjë parti sdo na sjelli bukë te shpia secili person lugën e çon tek goja vet para se te e tjetrit. Protesta është bërë politike. Edhe qorri e sheh… Unë sjam as me lali Erin, as me Edin, as me Lulin e as me lali Ilirin. Unë jam me familjen time dhe shtetin tim, të shkatërrojmë shtetin është të shkatërrosh shtëpinë tëndë. Unë nesër kam ndërmend të shkoj për vizitë,” shkruan Noizy në statusin e tij.
