Zgjedhja e Drejtorit të Përgjithshëm të Radio Televizionit Shqiptar është futur në një udhëkryq, pas vendimit të një dite më parë, të Këshillit Drejtues, për të shkualifikuar nga gara katër kandidatë që kishin plotësuar të gjitha kriteret e përcaktuar në ligj.
Lidhur me vendimin e Këshillit Drejtues ka pasur reagime të forta, ku ndër më kryesorët kanë qenë ajo e Ina Zhupës dhe e Evis Kushit, e para kryetare e Komisionit të Medias, ndërsa e fundit nënkryetare e këtij komisioni.
Të dyja e cilësuan procedurën e verifikimit të kandidatëve, në shkelje të ligjit, duke i bërë thirrje Këshillit Drejtues që të hapë garën menjëherë për të gjithë kandidatë.
Lexo edhe:
Por, ndryshe nga apeli që dy deputetet e Kuvendit të Shqipërisë, në emër të Kuvendit, i bënë thirrje Këshillit Drejtues që të reflektojë dhe të hapë garën, ditën e sotme Radio Televizioni Publik shqiptar, jo vetëm që nuk ka bërë një të tillë, por në një sqarim të publikuar në faqen e WEB të RTSH, thuhet se është respektuar procedura dhe nuk do të tërhiqet nga ky vendim dhe ditën e premte do të jetë edhe seanca dëgjimore me dy kandidatë që kanë kaluar në votim, Jetmir Shpuza dhe Aurora Polo.
Të premten, sipas Radio Televizionit Publik Shqiptar do të dëgjohen kandidatët dhe më pas do të votohet për Drejtorin e ri të Radio Televizionit Publik Shqiptar.
Por, pyetja është a po shkelet ligji për zgjedhjen e Drejtorit të Përgjithshëm?
Në sqarimin e publikuar në WEB e RTSH-së, thuhet se vendimi për të përjashtuar nga gara edhe pse kanë plotësuar të gjitha kriteret dhe dokumentacionin, është bazuar në nenin 10 dhe në nenin 11 të statutit të Radio Televizionit Shqiptar.
Por, çfarë thotë neni 11 i Statutit të Radio Televizionit Shqiptar?
Neni 11
Procedurat e zgjedhjes së Drejtorit të Përgjithshëm të RTSH-së
- Kandidatët për postin e Drejtorit të Përgjithshëm dorëzojnë në zarf të mbyllur te Kryetari i Këshillit Drejtues të RTSH-së, dokumentacionin, sipas kritereve të shpallura, brenda 10 ditëve pas publikimit të tyre.
- Me mbarimin e afatit të aplikimit, Këshilli Drejtues bën vlerësimin e kandidaturave të paraqitura në mbështetje të dokumentacionit të dorëzuar, verifikon dhe saktëson vërtetësinë e tyre dhe, me votim të fshehtë, vendos përfshirjen e tyre në konkurrim, duke i renditur sipas rendit alfabetik të mbiemrit.
- Kandidatët që plotësojnë kriteret ftohen të paraqesin platformat e tyre para Këshillit Drejtues jo më vonë se 5 ditë nga data e përfundimit të afatit të aplikimit. Kandidatët kanë në dispozicion 15 minuta kohë për të paraqitur platformën e tyre dhe 15 minuta kohë për pyetje.
Nisur nga neni më sipër, Këshilli Drejtues ka të drejtë që të verifikojë nëse kandidaturat kanë plotësuar dokumentacionin dhe nëse plotësojnë kriteret dhe ata kandidatë që i plotësojnë kriteret i ka kalon për t’u votuar më pas për të zgjedhur Drejtorin e Përgjithshëm.
Se lind pyetja?
Mbi çfarë baze ligjore, Këshilli Drejtues i heq të drejtën një kandidati që ka plotësuar të gjitha kriteret për të qenë pjesë e votimit për Drejtor të Përgjithshëm? Një kandidat mund të s’kualifikohet për të qenë pjesë e votimit për Drejtor të Përgjithshëm vetëm nëse nuk plotëson kriteret dhe dokumentacionin, ashtu siç edhe ligji e thotë qartë.
Një tjetër shkelje e Këshillit Drejtues është edhe ajo për të përfshirë në një votim të fshehtë, Mevlan Shanajn, i cili ndodhej në Vietnam?
A mund të sqarojë RTSH-ja se në çfarë mënyrë është lexuar vota e zotit Shanaj, në mënyrë që ajo të ishte e fshehtë(Pra, që askush të mos e dijë si ka votuar zoti Shanaj).
Sqarimi i Radio Televizionit Publik Shqiptar, në fakt, ishte një informacion i detajuar, për të kuptuar se Këshilli Drejtues, shkeli procedurën në përjashtimin pas asnjë motiv kandidatë që i plotësojnë të gjitha kriteret.
/Vip-magazine.al/
