Moderatorja Roza Lati ka reaguar për vrasjen e 25 vjeçarit Klodian Rasha nga efektivi i policisë 2 ditë më parë.
Me anë të disa postimeve në Instagram, ajo shprehet s enuk mund të dënohen të gjithë policët vetëm për faj të njërit, ndërsa për efektivin që vrau 25 vjeçarin thotë që duhet të digjet dhe varet te pema që u dogj dje nga protestuesit.
“Kalova me makinë sot dhe pashë disa burra policë duke u shpjeguar më shpirt e me lot në sy të disa të rinjë…mu dhimbsën e pse duhet të urrehen ata…për faj të njërit? Le të kthehet dënimi me vdekje dhe të varet mes sheshit mu tek pema e djegur ai bastard që shfrytëzoi uniformën shtetërore…Të varet!
Të digjet!!! Të torturohet!!! Por ç’faj kanë të tjerët… Nuk futen të gjithë në një kallup, e nuk ka pyll pa derra. Më vjen shumë keq. Rri në heshtje e mendoj. E jam me frymë të përgjysmuar. Më vjen vërtetë keq,”-shkruan Roza Lati.
