Festivali i Fundvitit në RTSH është afër. Teksa çdo gjë është gati sa i takon artistëve që do të garojnë në këtë sezon, Vip Magazine ka mësuar edhe emrat e moderatorëve që do të drejtojnë spektaklin në Pallatin e Kongreseve.
Nga sa kemi mësuar, bëhet fjalë për Enkel Demin i cili pak javë më parë nga po i njëjti vend rrëmbeu çmimin si autori më i mirë në Panairin e Librit.
Nga moderimi i emisioneve të mëngjesit, Enkel Demi do të rikthehet në spektaklet e mbrëmjes, për herë të parë si moderator i Festivalit të Fundvitit.
Krah tij, një tjetër rikthim i një figure të shquar të ekranit shqiptar. Pas largimit nga Shqipëria disa vite më parë, Ornela Bregu rikthehet sërish në vend kësaj here për të moderuar festivalin krah për krah me Enkel Demin.
Festivali i 63-të në RTSH pritet të jetë një nga ngjarjet muzikore më të mëdha të vitit.
Lista e këngëtarëve që do të garojnë në FIK 63
- Algert Sala
- Alis Kallacej
- Ardit Çuni
- Devis Xherahu
- Djemtë e Detit
- Elvana Gjata
- Endrik Beba
- Epos Grup
- Erma Mici
- Frensi Revania
- Gjergj Kaçinari
- Gresa Gjocera
- Jet
- Kejsi Jazxhi
- Kleansa Susaj
- Laurjan Ejlli ft. Adelina Corraj
- Lorenc Hasrama
- Luna Çausholli
- Mal Retkoceri
- Martina Serreqi
- Mihallaq Andrea
- Nita Latifi
- Olsi Bylyku
- Orgesa Zaimi
- Rea Nuhu
- Ronaldo Mesuli
- Santino De Bartolo
- Shkodra Elektronike
- Stine
- Vesa Smolica
