Lajmi se Redon Makashi, beqari i përjetshëm i skenës shqiptare i kishte dhënë fund beqarisë bëri xhiron e rrjetit. Kjo pasi këngëtari u shfaq në krah të balerinës së njohur Rexhina Cuko teksa kjo e fundit tregonte nga kamera unazën në gishtin e fejesës.
Nuk vonoi shumë dhe këngëtari sqaroi me anë të një statusi në rrjetet sociale se nuk ka asnjë lidhje me personin që shfaqet në krah të tij. Ditën e sotme ka reaguar për herë të parë edhe protagonistja tjetër, balerina Rexhina Cuko.
E ftuar në emisionin “Ftesë në 5”, ajo ka deklaruar se raporti mes tyre ka qenë i vërtetë dhe të dy kanë vendosur ta çojnë lidhjen në një tjetër nivel duke vendosur unazat.
Lexo edhe:
Por Rexhina shprehet se pas qarkullimit të lajmit nëpër portale, ka qenë Redoni ai që ka reaguar duke e përgënjeshtruar lajmin dhe shprehet se është habitur nga ky fakt. Rexhina thotë se pas këngëtarit edhe ajo ka bërë një reagim ku flet për raportin e tyre, si detyrim për të sqaruar publikun duke qenë se familjarët e saj nuk janë ndjerë mirë pas reagimit të Redonit.
Ajo thotë se e gjithë kjo situatë është bërë shkak për ndarjen e tyre dhe ajo ka vendosur tí kthejë unazën ish partnerit. Pas sqarimit të situatës, edhe statuset respektive në profilet e secilit prej tyre janë fshirë.
/Vip-magazine.al/
