Koreografi Ilir Shaqiri është një ndër banorët më të komentuar në “Big Brother VIP” dhe më provokuesi, duke nxitur debate jo vetëm brenda lojës, por edhe jashtë saj. Që në nisje të këtij “reality show”, ai ka pasur disa përplasje herë pas here me banorët, por nga ana tjetër nuk kanë qenë të pakta rastet kur ai është votuar nga publiku si më i preferuari.
Por së fundmi, në mediat rozë kanë marrë jehonë disa reagime të bëra pak ditë më parë nga ish-modeli dhe miku i tij, Oni Pustina.
AI ka tërhequr vëmendjen me komentin e tij lënë në faqen zyrtare të “Big Brother VIP” në “Instagram”. Në një foto ku është publikuar fotografia e të gjithë banorëve, Pustina shprehet në një mënyrë që nuk i kishim dëgjuar më parë rreth Ilirit.
Lexo edhe:
Pustina shkruan se balerini Ilir Shaqiri ka një jetë që xhelozon shqiptarët e suksesshëm në Itali, dhe se përpiqet përmes intrigave që të jetë në nivelin e tyre. Ai thotë në mënyrë ironike se uron që balerini ta fitojë “Big Brother VIP”, që më në fund të ndihet edhe ai i realizuar.
“Ka një jetë që jeton nën hijen e Kledi Kadiut, ‘mikut’ të tij më të ngushtë! Ka një jetë që xhelozon për çdo shqiptar të realizuar në shtetin fqinj, Leoni, Tare, Klajdi e të tjerë. Ka një jetë që përpiqet me çdo mënyrë dhe intrigë që të jetë sadopak në nivelin e tyre duke minimizuar arritjet e tyre dhe duke u përpjekur madje edhe t’u zërë vendin me mënyrën e tij ortodokse.
Prandaj unë vertet shpresoj që Shaqiri ta fitojë BBV, që më në fund edhe ai të ndihet i realizuar e të mos vuajë me suksesin e miqve apo ish-miqve te tij në Itali, e mbi të gjitha të mos sillet më si burrë me gjak gruaje! Forca Shaqir!”, ka shkruar ai në koment. Por shumë ndjekës kanë pyetur me të drejtë se ndërkohë që të gjithë e duinin se Oni është miku i ngushtë i Ilirit, pse Pustina del dhe e sulmon kaq publikisht dhe bën ironi me fitoren e ëndërruar të tij? Pas kësaj deklarate, një komentues në një revistë shkruan duke i treguar Pustinës se, “një natë kur ishte nga fillimi Bigu, ky ka qenë te tavolina e ngrënies me Arditin ulur dhe si me kode po flisnin keq dhe për ty, për Ambetën dhe të tjerë, s’e di në e ke parë”.
Por në Prime e të premtes ndodhi ajo që nuk pritej. Ndërsa jashtë shtëpisë së Big Brother Vip, mediat po zienin nga deklaratat e Oni Pustinës, në fund të gjithë show, Ilir Shaqiri bëri një përshëndetje për të gjithë balerinët shqiptarë që ndodhen dhe zhvillojnë karrierën e tyre në Itali.
“T’i bëj një përshëndetje të shkurtër të gjithë balerinëve shqiptarë që ndodhen në Itali, super të suksesshëm. Përqafime çuna”, shprehet Iliri.
Nuk dihet nëse përshëndetja e Ilirit në kulmin e diskutimit që po bëhej jashtë shtëpisë për raportin që ka ai më kolegët e tij në Itali, ishte e rastësishme apo mos ai ka nuhatur diçka që nuk shkon.
Megjithatë, qoftë njëra qoftë tjetra, mënyra që gjeti Ilir për të reaguar tregon edhe njëherë si ai mbetet një lojtar i fortë i Big Brother Vip.
/Vip-Magazine.al/
