Mbretëresha Elizabeth II nuk donte që duart e saj të shiheshin në fotografitë zyrtare që ajo bëri, siç zbuloi fotografi i saj, John Rankin Waddell.
Sipas fotografit britanik, i cili ishte një nga 10 fotografët që e fotografuan për Jubileun e saj të Artë në vitin 2002, duke folur në podcast “Tea with Twiggy”, Mbretëresha i kërkoi atij që të mos tregonte duart e saj në portretin e saj zyrtar, shkruan abcnews.al.
“Kohët e fundit kam marrë një shënim për ekspozitën e portreteve të saj gjatë dekadave me kuratorin duke thënë se fotografia ime ishte një nga të preferuarat e saj, që besoj se ishte e preferuara e Pallatit, sepse ajo po qesh shumë në foton time”, tha fotografi.
Lexo edhe:
Rankin zbuloi se donte të kapte sensin e humorit të monarkes në foton e tij: “Kur erdhi dita e fotografisë ndjeva një forcë të madhe ,” tha ai, duke shpjeguar se ” Nuk e kam ndjerë kurrë atë atmosferë më parë”. Ajo ishte shumë e qeshur që në momentin e parë që hyri në dhomë.”
Siç kujton ai, fotografi i tha asaj “Dua të të fotografoj duke mbajtur shpatën” dhe ajo u përgjigj ” Nuk më pëlqejnë duart “. Më pas ai i tha se ishte mënyra më e mirë për të mos u fotografuar me shpatë. “Unë ndoshta nuk duhet ta them këtë, por ajo që më pëlqeu tek ajo është se është kaq e zgjuar dhe gjithçka që tha kishte këtë takt të mahnitshëm. Ajo ishte thjesht e mahnitshme.”
Mbretëresha Elizabeth mbante doreza në paraqitjet e saj zyrtare edhe pse duart e saj duken në fotot e saj të fundit. Madje, në takimin që pati me Liz Truss para zgjedhjes së saj si kryeministre e vendit, Elizabeth kishte zgjedhur të mos mbante doreza./
