Që pas daljes nga Big Brother Vip Albania, Ilnisa Agolli është shfaqur vazhdimisht në shoqërinë e Xhildës, e cila prej fillimit të sezonit është një prej moderatoreve të programit “Goca dhe gra”.
Por në puntatën e djeshme mes vajzave u vu re një qasje ndryshe. Ndonëse ishte Xhilda ajo që prezantoi Ilnisën si të ftuarën e radhës, kjo e fundit sapo hyri në studio zgjodhi të përfaqafojë vetëm Joridën, Rudinën dhe Einxhel duke lënë mënjëanë Xhildën dhe Eglën.
Të gjithë e dimë që marrëdhëniet e saj me Eglën nuk ishin më të mirat e mundshme që pas përfundimit të Big Brother Vip.
Megjithatë mbrëmjen e djeshme akujt mes tyre u shkrinë në momentin kur Ilnisa ftoi Eglën të bashkohej në projektin e saj me Meritonin për të bërë një film, që do jetë një rishpikje e Dhomës së Bardhë.
Edhe Egla zgjodhi të tregohet profesionale, duke mos e refuzuar ftesën e gazetares, ndërsa shkëmbyen edhe disa batuta gjatë programit.
Nga ana tjetër, gjatë gjithë Xhilda qëndronte e heshtur pa i drejtuar asnjë pyetje apo kompliment mikeshës së saj të ngushtë.
Nuk dihet pse janë prishur marrëdhëniet mes dy vajzave. Pak ditë më parë Xhilda u pa shumë e afërt me Heidin, një tjetër personazh me të cilën Ilnisa nuk gëzon aspak raporte të mira pas BBV. Tashmë mbetet për t’u parë nëse ka qenë kjo arsyeja e hatërmbetjes mes tyre./Vip-Magazine.al/
