Dua Lipa ka hequr dorë nga pirja e cigareve në një përpjekje për të përmirësuar qëndrueshmërinë e saj dhe shëndetin e përgjithshëm në mes të turneut të saj botëror “Future Nostalgia”. Dua ndau në një intervistë se ndihet “e pamposhtur” tani që ka hequr dorë nga duhani. “Kam pasur laringit dhe kjo më bëri të lija duhanin një muaj më herët se sa ishte menduar. Por unë e bëra atë dhe jam përmbajtur,”-tha ajo.
“Unë e kam këtë gjurmues zakonesh në telefonin tim ku çdo natë shënoj të gjitha gjërat e mira që kam bërë për trupin tim dhe gjërat që kam bërë për veten time.” Dua pretendon se ka vënë re një përmirësim drastik në shëndetin e saj, pasi është kthyer edhe në ushtrime të rregullta dhe ushqim të shëndetshëm për të mbajtur veten në formën më të mirë të mundshme gjatë turneut.
Ylli i popit kishte folur më parë për luftën e saj për t’u ndjerë e sigurt në skenë kur nuk po e trajtonte siç duhet trupin e saj, duke shpjeguar se regjimi i saj i ri i fitnesit e ka ndihmuar atë të ruajë më shumë energji për veten. “Ndjehem sikur kur dal në skenë ka një lloj tjetër besimi dhe, e dini, ndihem shumë e pathyeshme në momentet kur performoj.”
Lexo edhe:
Ajo vazhdoi, “Ndihem shumë e emocionuar dhe ka shumë adrenalinë dhe ndonjëherë nuk ndihem aspak e sigurt. Ka momente kur jam në skenë çdo natë dhe, po, jam mjaft e ekspozuar, po kërcej dhe performoj dhe më duket sikur duhet të stërvitem dhe të jem vërtet e shëndetshme në mënyrë që të ndihem mirë me veten time.”
