Nuk kanë të sosur lajmet e trishta që vijnë për humbjet në radhët e bluzave të bardha si pasojë e koronavirusit.
Një ditë më parë humbi jetën mjeku i njohur Drini Dobi, ndërsa një tjetër lajm i trishtë vjen ditën e sotme për ndarjen nga jeta të një mjekje.
Bëhet fjalë për Flutura Hashorva, e cila ka humbur betejën me Covid-19 duke u larguar përgjithmonë nga kjo jetë. Dr.Hashorva është ndarë nga jeta dje, në Spitalin “Shefqet Ndroqi”, spital të cilit i kushtoi 48 vite të jetës së saj.
Mjekja Flutura Hashorva, pneumologe, shërbeu fillimisht në pavionin e parë të pneumologjisë pranë QSUT. Në vitin 1983 u transferua në spitalin e mushkërive, ish-sanatoriumi e më pas pranë dispancerisë së Tiranës. Ajo dha kontributin e saj në luftën kundër virusi të tmershëm deri ditën që u infektua dhe vetë.
