Miliona njerëz në mbarë botën përjetojnë dhimbje koke gjatë jetës së tyre, por jo të gjithë janë të njëjtë
Ne ju sjellim shtatë llojet më të zakonshme të dhimbjeve të kokës, cili është shkaktari i tyre dhe mënyrat më të mira për t’i trajtuar ato.
Migrena
Ndodh shumë papritur dhe mund të çojë në të përziera, shikim të paqartë dhe dhimbje stomaku.
Lëvizjet e thjeshta madje mund ta përkeqësojnë gjendjen. Nuk dihet se çfarë e shkakton migrenën, por stresi, nervozizmi, dieta e dobët dhe mungesa e gjumit mund t’i përkeqësojnë simptomat.
Nëse migrena nuk trajtohet, ajo mund të zgjasë deri në tre ditë.
Dhimbje koke grupore
Dhimbja e kokës grupore njihet edhe si dhimbja e kokës Horton. Niveli i dhimbjes është i ngjashëm me atë të shkaktuar nga migrena.
Dallimi është se kjo lloj dhimbje koke zgjat më pak dhe është kryesisht sezonale. Kjo është arsyeja pse shpesh ngatërrohet me simptomat e alergjisë ose stresit.
Shpërthimet e dhimbjes shpesh ndihen rreth syve, ballit, tempujve dhe hundës.
Dhimbje koke e shkaktuar nga stresi
Kjo lloj dhimbje koke është e moderuar dhe madje e lehtë në krahasim me migrenën.
Dhimbja mund të ndihet pas syve, rreth ballit dhe në qafë. Arsyeja është shtrëngimi i muskujve në ato zona. Kjo lloj dhimbje koke shkaktohet nga stresi emocional, dhe lehtësohet me brufen ose aspirinë.
Dhimbje koke e shkaktuar nga kafeina
Kafeina mund të trajtojë dhe të shkaktojë dhimbje koke. Edhe disa ilaçe kundër dhimbjes së kokës përmbajnë kafeinë. Është përbërësi që e bën ilaçin të funksionojë më shpejt dhe më efektivisht, gjë që është një avantazh sepse do të thotë që mund të merrni një dozë më të vogël.
Kombinimi i medikamenteve që përmbajnë kafeinë me pije ose ushqime që përmbajnë gjithashtu kafeinë nuk është një ide e mirë sepse rrit shanset për të zhvilluar më tej një dhimbje koke.
Dhimbje koke hormonale
Estrogjeni luan një rol të madh tek gratë kur bëhet fjalë për dhimbje koke. Kështu, mund të ndikojë në proceset kimike në tru që shoqërohen me dhimbje koke.
Sa më i ulët të jetë niveli i estrogjenit, aq më e madhe është shkalla e dhimbjes. Femrat mund të ndjejnë një dhimbje koke të tillë në fillim të ciklit menstrual.
Dhimbje koke kronike ditore
Njerëzit me këtë lloj dhimbje koke kanë probleme deri në 15 ditë në muaj. Kjo gjendje në fakt nuk karakterizohet vetëm nga një lloj dhimbje koke, por nga disa lloje dhimbje koke që shfaqen pothuajse çdo ditë.
Një nga format më të zakonshme të kësaj dhimbje koke quhet migrena e transformuar. Kjo lloj dhimbje koke zakonisht zgjat deri në mesditë.
Dhimbje koke sinusale
Kjo dhimbje koke është e vështirë të dallohet nga një migrenë. Dhimbja më së shpeshti ndihet në pjesën e përparme të kokës dhe në fytyrë.
